მსახიობი ნანუკა გულუა, რომელიც საზოგადოების ნაწილმა ლაქტაციის შესახებ გაკეთებული განცხადების გამო მწვავედ გააკრიტიკა, აცხადებს, რომ ძალიან ცუდი შეტყობინებები მიიღო დაუმსახურებლად.
„ძალიან მძიმე კვირა მქონდა, დაუმსახურებლად მივიღე ამდენი ნეგატივი. მინდა ამ თემაზე ვილაპარაკო. არ ვიცი, ეს მოსაწონი იქნება თუ ისევ განხილვის თემა. „შე ძუკნა დედაბერო, ძლივს რომ გასაღდი და ტვინი წაიღე", „იიი გავთხოვდი, რა კარგია“ – მსგავსი ტიპის მესიჯები მივიღე. მილიონი ბოდიში იმ დედებს, რომლებმაც მომწერეს და ამიხსნეს, თუ რა ტკივილი მივაყენე მათ“, – განაცხადა მსახიობმა ტელეკომპანია „ფორმულის“ ეთერში, გადაცემაში „ქალები“.
ნანუკა გულუამ მანამდე გადაცემაში აღნიშნა, რომ არ მოსწონს, როდესაც ქუჩაში ხედავს, როგორ აჭმევს მეძუძური დედა ბავშვს.