ნიუ-იორკში საკულტო სერიალის „სექსი დიდ ქალაქში“ ნანატრი ახალი სეზონის And Just Like That… პრემიერა გაიმართა. შეუდარებელმა ტრიომ – სარა ჯესიკა პარკერმა, სინტია ნიქსონმა და კრისტინ დევისმა პრემიერისთვის გარდერობიდან საუკეთესო კაბები შეარჩიეს და წითელ ხალიჩაზე გაიბრწყინეს.
კერი ბრედშოუ ყველასგან გამორჩეული იყო, მას პასტელურ ფერებში გადაწყვეტილი, პომპეზური კაბა ამშვენებდა და ფოტოობიექტივების წინაშე კოლეგებთან ერთად ბედნიერი სახით პოზირებდა.
კერის თან მეუღლე მეტიუ ბროდერიკი ახლდა. ვარსკვლავები თითქმის სრული შემადგენლობით იყვნენ წარმოდგენილი, მათ მხოლოდ სამანტას როლის შემსრულებელი კიმ კეტროლი, ასევე უილი გარსონი აკლდათ, რომელიც რამდენიმე თვის წინ 57 წლის ასაკში გარდაიცვალა.
რამდენიმე თვის წინ ცნობილი გახდა, რომ საკულტო სერიალი „სექსი დიდ ქალაქში“ 20 წლის შემდეგ ეკრანებს დაუბრუნდებოდა. გადაღებები ივნისში დაიწყო.