ორსული ქეთი ჟღენტი, რომელიც ცოტა ხანში მესამე შვილის დედა გახდება, სოციალურ ქსელში თავდასხმის მსხვერპლი გახდა. „ინსტაგრამის“ „სთორიზე“ მოდელმა მიმოწერები გამოაქვეყნა, სადაც სოციალური ქსელის ერთ-ერთი მომხმარებელი წერს, რომ „საშინლად არის დასიებული“ და მალე ისევ იქნება ორსულად, რადგან მას და მის დედას „მხოლოდ შვილების გაჩენა შეუძლიათ და მეტი არაფერი“.
„ძალიან შურს ახლა შენი ბედნიერი ცხოვრებით ვითომ ვინმეს, ძალით რომ მიგათხოვა დედაშენმა, სასაცილოები ხართ. გაგასაღა მილიონერზე. შენ რა იცი, რომ თოშასთვის უკანასკნელი ხარ“, – სწერენ ქეთის. „ბოროტება კარგს არაფერს მოგიტანთ“, – წერს მოდელი.
მოგვიანებით, როგორც ჩანს, მან უამრავი თბილი წერილი მიიღო და დაწერა, რომ იცის, რომ ასეთ ადამიანებს პასუხი არ უნდა გასცეს, თუმცა მის მდგომარეობაში ძნელია ამდენი ბოროტების იგნორირება.
ქეთი ჟღენტი ორსულობის მერვე თვეშია და პატარას იანვარში ელოდება. მილიონერ თოშა ქებურიასთან მოდელს უკვე ჰყავს ორი შვილი - კატერინა და ბუბა. აღმოჩნდა, რომ მოდელი ამჯერად გოგონას ელოდება.
ქეთი ჟღენტი და თოშა ქებურია საქართველოში ცნობილი წყვილია. მათ 2017 წელს ნიშნობის შემდეგ ქორწილი ორჯერ გადაიხადეს. წყვილი საკუთარ ქორწილში ვერტმფრენით მივიდა. დღემდე ლაპარაკობენ მათ საქორწინო ტორტზე – ასეთი გრანდიოზული ტორტი საქართველოში აქამდე არ დამზადებულა. მისი წონა 400 კგ-ს შეადგენდა, სიმაღლე – 5 მეტრს, და ტორტის დამზადებაზე 12 დიზაინერი მუშაობდა.
ქეთის სოციალური ქსელიდან ჩანს, რომ თოშას მეუღლე ძალიან უყვარს და საჩუქრებით ხშირად ანებივრებს. თავიანთი ოჯახური იდილიის სურათებს თოშა და ქეთი ხშირად უზიარებენ საზოგადოებას.