თბილისი, 2 დეკემბერი — Sputnik. აშშ-ის ადმინისტრაცია აპირებს გაამკაცროს COVID-19-ის ტესტებისადმი მოთხოვნები ქვეყანაში შემსვლელებისთვის, მათ შორის აშშ-ის მოქალაქეებისთვისაც, განაცხადა შეერთებული შტატების მთავარმა ინფექციონისტმა ენტონი ფაუჩიმ.
მისი განმარტებით, ახალი რეგულაცია კორონავირუსის „ომიკრონ“ ვარიანტის გამო წესდება, რომლის პირველი შემთხვევაც უკვე გამოვლინდა აშშ-ში.
„ახალი წესების თანახმად, ქვეყანაში შემომსვლელმა ნებისმიერმა პირმა უნდა წარმოადგინოს უარყოფითი ტესტი, რომელიც თვითმფრინავში ჩაჯდომამდე 24 საათით ადრე იქნება გაკეთებული“, — განმარტა ფაუჩიმ.
ამასთან მას არ დაუკონკრეტებია ახალი წესების ძალაში შესვლის თარიღი.
გარდა ამისა, ენტონი ფაუჩიმ ბრიფინგზე განმარტა, რომ „ომიკრონს“ შესაძლოა უფრო მარტივად გადადებისა და ვაქცინების მოქმედებისთვის თავის არიდების უნარი ჰქონდეს, თუმცა ჯერჯერობით ეს დაზუსტებული არ არის.
მანამდე აშშ-ის დაავადებათა კონტროლისა და პრევენციის ცენტრში (CDC) განაცხადეს, რომ ამჟამად არსებული ანტოკორონავირუსული ვაქცინები გარკვეულ დონემდე იცავს ადამიანს „ომიკრონისგან“, ხოლო დაცვის უფრო მაღალი დონის მისაღებად ბუსტერული დოზით ვაქცინაციაა საჭირო.