„ისთერნ პრომოუშენსის“ ერთ-ერთმა დამფუძნებელმა კახა კანდელაკმა გადაცემა „აკუსტიკაში“ გაიხსენა რიყეზე გამართული შაკირას კონცერტი, რომელიც წლების წინ მისმა კომპანიამ ჩამოიყვანა, და მისი ერთ-ერთი მოთხოვნა, რომელიც კულისებში ვარდისფერი ჯაკუზის დადგმას უკავშირდებოდა.
მისი თქმით, შაკირას აუცილებელი მოთხოვნებიდან ერთ-ერთი ის იყო, რომ კულისებში ვარდისფერი ჯაკუზი უნდა ყოფილიყო.
„ჯერ რიყეზე, ტრიალ მინდორზე კულისები როგორი გასაკეთებელი იყო, მერე ვარდისფერი ჯაკუზი. წყალი ხომ უნდა მიგვეყვანა ადგილამდე. 2007 წელი იყო. დაგვეხმარა „ბრიტიშ პეტროლეუმი“. ვიქირავეთ დიდი ასაწყობი სამშენებლო კოტეჯი, რომელიც რიყეზე დავდგით და კულისებიც სწორედ იქ მოვაწყვეთ, მათ შორის ვარდისფერი ჯაკუზიც. თუმცა არ უსარგებლია“, – გაიხსენა კახა კანდელაკმა.