თბილისი, 22 ნოემბერი – Sputnik. მომღერალი ალექსანდრე ზაზარაშვილი, რომელმაც პირველად უკრაინულ საბავშვო „ვოისში“ გაიმარჯვა, ამჯერად ამერიკული შტატის „ნიჭიერის” ფინალისტია.
ინფორმაცია მომღერალმა „ფეისბუქის” პირად გვერდზე გაავრცელა. ალექსანდრე ზაზარაშვილი აშშ-ის შტატ კონექტიკუტის „ნიჭიერის“ ფინალში ოქროს ღილაკით გადავიდა.
„მეგობრებო, ოქროს ღილაკით პირდაპირ ფინალში გადავედი“, – წერს ალექსანდრე ზაზარაშვილი სოციალურ ქსელში.
ამერიკული “ნიჭიერის” ფინალური ტური 18 დეკემბერს გაიმართება. ალექსანდრე ზაზარაშვილი არაერთი კონკურსის გამარჯვებულია, მათ შორის უკრაინული საბავშვო „ვოისის“. აღნიშნულ კონკურსში მან 2019 წელს გაიმარჯვა.