მოდელმა ნეკა დოროყაშვილმა „ინსტაგრამის“ „სთორიზე“ ხელმომწერების კითხვებს უპასუხა. ერთ-ერთი კითხვა ეხებოდა იმას, ბედნიერია თუ არა მოდელი. დოროყაშვილმა განაცხადა, რომ მიუხედავად დამღლელი სასამართლო პროცესებისა და მის მიმართ აგორებული შავი პიარ-კამპანიებისა, ძალიან ბედნიერია და ამით საყვარელ მამაკაცზე მიანიშნა.
ნეკამ აღნიშნა, რომ უკვე წელიწად-ნახევარია ბედნიერია. სავარაუდოდ, სწორედ ამდენი ხანია ის ახალ პარტნიორთანაა, რადგან ხელმომწერების კითხვებზე პასუხისას ნეკა ხაზს უსვამს, რომ მისი ბედნიერება და სილამაზე მის საყვარელ მამაკაცზეა დამოკიდებული.
რაც შეეხება კითხვას, რატომ არ აჩენს ის საყვარელი ადამიანის სახეს, ნეკამ ხუმრობით აღნიშნა, რომ „ავი თვალისგან იცავს“.
ნიკოლოზ ბასილაშვილის ყოფილი მეუღლე საკმაოდ აქტიურია სოციალურ ქსელში, თუმცა პირად ცხოვრებაზე იშვიათად წერს ხოლმე. ცოტა ხნის წინ ნეკა საყვარელ მამაკაცთან ერთად მალდივებზე ისვენებდა და ამას მისი გამოქვეყნებული ვიდეოები თუ ფოტოები ადასტურებს.
მოდელმა მალდივებზე აღნიშნა დაბადების დღე და რომანტიკული ვახშმის კადრები გაასაჯაროვა. ამ დრომდე უცნობია როგორ გამოიყურება და ვინ არის ნეკას ახალი რჩეული.
საზოგადოებამ იცის ნეკა დოროყაშვილის ოჯახური დავის შესახებ ყოფილ მეუღლესთან. წყვილი განქორწინებულია და ერთი შვილი ჰყავს. ნეკასა და ნიკოლოზს შორის, ქონებრივ დავასთან ერთად, ფიზიკური დაპირისპირების შესახებ დავაც მიმდინარეობს.