დიზაინერმა და კულინარმა მაკა კვიციანმა თავისი მდიდრული სახლი საიტი homeis.ge-ს მკითხველებს გააცნო. სახლის ინტერიერის შექმნაში მას მეგობარი ქეთი ასათიანი დაეხმარა, თუმცა თავადაც დიდი წვლილი შეიტანა მის მოწყობაში.
სახლში არის ულამაზესი პანო, რომლის გაკეთებაც სვანეთში ბებიის სახლში ნანახი პანოს შთაგონებით მოიფიქრა. მაკა კვიციანმა თავიდანვე იცოდა, რომ მისი ბიბლიოთეკა ლურჯი ფერის უნდა ყოფილიყო და იქ ბევრი გადაშლილი წიგნი უნდა განეთავსებინა.
გარდა ინტერიერისა, მაკამ ასევე ძალიან დიდი მნიშვნელობა მიანიჭა სახლის ბაღსაც. როგორც თავად გვიამბობს, მას ძალიან მოსწონს ახალ-ახალი სახეობების დამატება და მრავალფეროვანი ბაღი.