თბილისი, 30 ოქტომბერი - Sputnik. თბილისში არსებული 769 უბნიდან ამ დროისთვის ცენტრალურ საარჩევნო კომისიაში შესულია 128 საარჩევნო უბნის შემაჯამებელი ოქმი, რომლის მიხედვითაც, არჩევნების მეორე ტურში კახა კალაძე ლიდერობს, იუწყება ცესკო.
კერძოდ, 128 უბნის მონაცემებით, კახა კალაძეს 56,012% აქვს, ხოლო ნიკანორ მელიას - 43,988%.
გარდა ამისა, როგორც ცესკოს მონაცემებიდან ხდება ცნობილი, საოლქო საარჩევნო კომისიებში 23:00 საათის მონაცემებით 219 საჩივარია შესული. აქედან 133 წარდგენილია საარჩევნო სუბიექტების წარმომადგენლების მიერ და 86 საჩივარი - დამკვირვებლების მიერ.
საჩივრები ძირითადად პროცედურულ დარღვევებს შეეხება.
დღეს საქართველოს მოსახლეობა 20 მერს და საკრებულოების 42 მაჟორიტარ დეპუტატს ირჩევდა. როგორც მერების, ისე საკრებულოს დეპუტატების არჩევა პირდაპირი კენჭისყრით მოხდა.