აზერბაიჯანის პრეზიდენტმა ილჰამ ალიევმა და თურქეთის პრეზიდენტმა რეჯეფ თაიიფ ერდოღანმა 26 ოქტომბერს მონაწილეობა მიიღეს ყარაბაღში აეროპორტის გახსნაში.
თურქეთის პრეზიდენტის თვითმფრინავი ფიზულის აეროპორტში დაჯდა, სადაც მას აზერბაიჯანელი კოლეგა შეეგება. შემდეგ პრეზიდენტებმა ლენტი ერთად გადაჭრეს და აეროპორტი გახსნეს. პრეზიდენტებს ყარაბაღის სიმბოლური გასაღებიც გადასცეს.
ახალი აეროპორტის ფუნდამენტის მშენებლობა 12 იანვარს დაიწყო, ხოლო პირველი საცდელი გაფრენა 22 აგვისტოს განხორციელდა.
აეროპორტს ნებისმიერი ფართოფიუზელაჟიანი თვითმფრინავის, მათ შორის სატვირთო თვითმფრინავების მიღება შეუძლია.