თბილისი, 26 ოქტომბერი — Sputnik. მოსკოვი მზად არის, მიაღწიოს იურიდიულად სავალდებულო შეთანხმებას ვაშინგტონთან სტრატეგიული სტაბილურობის შესახებ, განაცხადა რუსეთის ელჩმა ამერიკის შეერთებულ შტატებში ანატოლი ანტონოვმა.
აღნიშნულის შესახებ რუსეთის ელჩმა მიდლბერის ინსტიტუტთან არსებულ ჯეიმს მარტინის სახელობის გაუვრცელებლობის კვლევების ცენტრის საერთაშორისო მრჩეველთა საბჭოს ყოველწლიურ შეხვედრაზე ისაუბრა.
ანტონოვის თქმით, არ შეიძლება იმგვარი სიტუაციის დაშვება, რომ СНВ-III-ის მოქმედების ამოწურვის შემდეგ ორი ქვეყანა სტრატეგიულ სფეროში საკონტროლო მექანიზმების გარეშე დარჩეს.
„ისევე, როგორც გასულ ათწლეულებში, ჩვენ მზად ვართ იურიდიულად სავალდებულო შეთანხმების გასაფორმებლად, თუმცა არც სხვა ფორმატებს გამოვრიცხავთ“, — განაცხადა დიპლომატმა.
მისი თქმით, ახლა „სავარაუდო შედეგების განსაზღვრის“ დრო არ არის და მან ვაშინგტონს მუშაობისკენ მოუწოდა.
ამასთან ანტონოვმა მაღალი შეფასება მისცა ორ სახელმწიფოს შორის დიალოგს სტრატეგიული სტაბილურობის შესახებ.
„საუბარი სწორი მიმართულებით ვითარდება, ატარებს პროფესიულ და საგნობრივ ხასიათს“, — განმარტა მან.
ელჩის ვარაუდით, აშშ-სა და რუსეთს შორის მიმდინარე დიალოგს შეუძლია შედეგად შეიარაღებაზე კონტროლის შესახებ მოლაპარაკებათა პაკეტი და რისკების შემცირება მოიტანოს.
სტრატეგიული სტაბილურობის თაობაზე დიალოგი აშშ-სა და რუსეთს შორის ჟენევაში ივნისის სამიტის შემდეგ დაიწყო. მისი მეორე რაუნდი 30 სექტემბერს გაიმართა.