დიდი ბრიტანეთის დედოფალმა, 95 წლის ელისაბედ მეორემ, მრავალი წლის შემდეგ პირველად, ღამე კლინიკაში გაატარა. სამეფო კარის ოფიციალური წარმომადგენლის ინფორმაციით, დედოფალი კლინიკაში „წინასწარი გამოკვლევის“ მიზნით იმყოფებოდა.
სააგენტო abc.net.au-ის თანახმად, დედოფალი კარგ განწყობაზეა და ის უინძორის სასახლეში დაბრუნდა, თუმცა კლინკაში მოთავსებამდე ჩრდილოეთ ირლანდიაში ვიზიტი გადადო. სასახლეში განაცხადეს, რომ დედოფალს დასვენება ურჩიეს, ხოლო მისი საავადმყოფოში მოთავსება არ უკავშირდება COVID-19-ს.
სააგენტო სასახლის წყაროზე დაყრდნობით წერს, რომ დედოფალმა ღამე ლონდონის ცენტრში მდებარე მეფე ედუარდ VII-ს სახელობის სამედიცინო ცენტრში გაატარა.
დედოფალ ელისაბედს მომავალ წელს ტახტზე ყოფნის 70 წელი შეუსრულდება, ის ცნობილია როგორც კარგი ჯანმრთელობის პატრონი. ელისაბედ მეორე კლინკაში ბოლოს 2013 წელს გასტროენტერიტის სიმპტომებით იმყოფებოდა.