თბილისი, 19 ოქტომბერი – Sputnik. გურჯაანში ცოლ-ქმარს მეზობელმა სანადირო იარაღიდან ესროლა, გასროლის შედეგად ქალი ადგილზე გარდაიცვალა, იუწყება ტელეკომპანია „რუსთავი 2“.
ტელეარხის ცნობით, შემთხვევა ცოტა ხნის წინ მოხდა. მკვლელობის სავარაუდო მოტივი მომხდარ დაპირისპირებამდე დაწყებული დავაა, რომელიც მიწის ნაკვეთს უკავშირდება.
გასროლის შედეგად მამაკაცმა სხეულზე დაზიანებები მიიღო და ამ დროისათვის ის „ჯეო-ჰოსპიტალსის“ საავადმყოფოშია მოთავსებული.
საქმეზე გამოძიება განზრახ მკვლელობის მუხლით დაიწყო. შემთხვევის ადგილზე ექპერტ-კრიმინალისტები მუშაობენ.