თბილისი, 14 ოქტომბერი – Sputnik. „ერთიანი ნაციონალური მოძრაობის“ (ენმ) მოწინააღმდეგეებმა ცოცხები დაუშინეს ოპოზიციონერების ავტომობილების კოლონას, რომლებიც თბილისში საპროტესტო აქციაში მონაწილეობისთვის მოდიან. აქციაზე ექს-პრეზიდენტ მიხეილ სააკაშვილის გათავისუფლებას მოითხოვენ.
„ნაცმოძრაობის“ მომხრეთა ავტომობილების კოლონას ცოცხები დაუშინეს
© photo: Sputnik / Stringer
ვითარება სამტრედიაში დაიძაბა. იქ „ნაციონალური მოძრაობის“ მოწინააღმდეგე ათობით ადამიანი შეიკრიბა და გზის გადაკეტვა არაერთხელ სცადა, რათა ავტომობილების კოლონა არ გამოეშვა თბილისისკენ, მაგრამ ამას ხელი პოლიციამ შეუშალა.
საქართველოში ცოცხი „ციხის სკანდალის“ სიმბოლოდ იქცა, რომელიც 2012 წელს, სააკაშვილის ხელისუფლებაში ყოფნის დროს დაიწყო. მაშინ მასმედიაში გაჟონა ვიდეოჩანაწერებმა, სადაც ასახული იყო პატიმრების წამებისა და სექსუალური ძალადობის ფაქტები ცოცხების გამოყენებით.