თბილისი, 11 ოქტომბერი – Sputnik. საქართველოში ისევ დათბება. თბილისში ჰაერის ტემპერატურა 11-12 ოქტომბერს +17, +19 გრადუსი იქნება, ხოლო 13 ოქტომბრიდან +23, +25 გრადუსამდე მოიმატებს, იუწყება გარემოს ეროვნული სააგენტო
უწყების ცნობით, 17 ოქტომბრამდე საქართველოში უმეტესად უნალექო ამინდია მოსალოდნელი.
ჰაერის ტემპერატურა დასავლეთ საქართველოს დაბლობ რაიონებში +23, +28 გრადუსის ფარგლებში იქნება.
აღმოსავლეთ საქართველოში კი დღეს და ხვალ +15, +20 გრადუსი დაფიქსირდება, ხოლო 13 ოქტომბრიდან +22, +27 გრადუსამდე დათბება.