თბილისი, 4 ოქტომბერი – Sputnik. ქართველმა პიანისტებმა კიდევ ერთი საერთაშორისო აღიარება მოიპოვეს. ინფორმაციას ხელოვანთა გაერთიანება „კონცეპტArt“-ი აქვეყნებს.
როგორც ხელოვანთა გაერთიანების გვერდი წერს, გერმანიაში პიანისტთა საერთაშორისო ფესტივალზე Kissinger Sommer ორმა ქართველმა – გიორგი გიგაშვილმა და სანდრო ნებიერიძემ დიდ წარმატებას მიაღწიეს.
გიორგიმ პირველი პრემია და მაყურებლის პრიზი დაიმსახურა, სანდრო კი მეორე პრემიის მფლობელი გახდა.