თბილისი, 26 სექტემბერი - Sputnik. აშშ-ში მონტანას შტატში სამგზავრო მატარებლის ლიანდაგებიდან გადასვლის შედეგად სამი ადამიანი დაიღუპა, ხოლო 50-ზე მეტი დაშავდა.
როგორც სარკინიგზო კომპანია Amtrak-ში იუწყებიან, ინციდენტი ჯოპლინის დასახლებულ პუნქტთან ახლოს გამთენიისას მოხდა. ავარიის მომენტში მატარებელში იმყოფებოდა 141 მგზავრი და რკინიგზის 16 თანამშრომელი.
როგორც ჰილის ოლქის საგანგებო სამსახურების კოორდინატორმა ამანდა ფრიკელმა განაცხადა, დაშავებულია 50-ზე „გაცილებით მეტი“ ადამიანი.
„ყველა გადარჩენილი გამოყვანილია კატასტროფის ადგილიდან“, - განუცხადა მან New York Times-ს.
ტრაგედიის ადგილზე ექვსი ოლქის მაშველები და სამედიცინო ვერტმფრენებია მობილიზებული. დაშავებულების მისაღებად მზად არის ხუთი საავადმყოფო.
ინციდენტის გამოძიებას განახორციელებს აშშ-ის ტრანსპორტზე უსაფრთხოების ეროვნული საბჭო (NTSB). კომპანია Amtrak-მა ავარიის რაიონში სპეციალისტთა გუნდი მიავლინა.