ცნობილი მოდელი და ტელეწამყვანი ირინა ონაშვილი შემოდგომის თბილ დღეებს მზეზე გარუჯვისთვის იყენებს და ამისთვის თბილისში ერთ-ერთ ცნობილ აუზს მიაშურა. „ინსტაგრამის“ „სთორიზე“ გამოქვეყნებულ ფოტოზე ჩანს, რომ ქალი არაჩვეულებრივ ფორმაშია და საცურაო კოსტიუმში შესანიშნავად გამოიყურება.
მშვენიერი ირინა ონაშვილი უკვე მრავალი წელია იმ ქალებს შორისაა, რომელთა სილამაზეს ყველა ერთხმად აღიარებს. კარიერის დასაწყისში მისმა გარეგნობამ რეჟისორების ყურადღებაც მიიპყრო და ის რამდენიმე სარეკლამო ვიდეორგოლსა და კლიპშიც გადაიღეს. საზოგადოების აღიარება კი „მის საქართველო 2003“-ის ტიტულმა მოუტანა.
ირინა ონაშვილი ყურადღებას არა მხოლოდ გარეგნობით, არამედ ინტელექტითაც იქცევს. ცნობილი ქართველი მოდელი სხვადასხვა სფეროში წარმატებით მოღვაწეობს. მათ შორის, მსოფლიოში ახალ ტენდენციად ქცეული „ინფლუენსერების“ სკოლის დამაარსებელიცაა. საქართველოში „ინფლუენსერობა“ სულ ახლახან გაჩნდა და ახლა მრავალი ქართველი სელებრითია ამ საქმიანობით დაკავებული.
ირინა ორი ვაჟის დედაა. ფეხმძიმობის შემდეგ მას ჩვეულ ფორმაში დაბრუნება არ გასჭირვებია. ფაქტი ფაქტად რჩება – ირინა ონაშვილის ბუნებრივ სილამაზეს გოლიათი ვაჟის დაბადებამაც კი, რომელიც 5 კილომდე იწონიდა, ვერაფერი დააკლო. ბევრმა არ იცის, რომ წარმატებული სამოდელო კარიერის მიუხედავად, ირინა ონაშვილი ამაზე არ შეჩერებულა. ახლა „მის საქართველოს“ ტიტულის მფლობელი სოციალურ მეცნიერებათა ფაკულტეტის კურსდამთავრებულია.