თბილისი, 16 სექტემბერი – Sputnik. ნინოწმინდიდან 25 კილომეტრში, სოფელ სამებასთან 3,3 მაგნიტუდის მიწისძვრა მოხდა, იუწყება სეისმური მონიტორინგის ეროვნული ცენტრი.
მიწისქვეშა ბიძგები თბილისის დროით 14:19 საათზე დაფიქსირდა.
ნგრევის შესახებ ინფორმაცია არ გავრცელებულა.
ბოლო რამდენიმე თვეა სოფელ სამებასთან მცირე სიმძლავრის მიწისქვეშა ბიძგები ხშირად ხდება. ყველაზე მძლავრი, 5,1 მაგნიტუდის მიწისძვრა 16 აგვისტოს მოხდა. 17 აგვისტოს ამ ადგილზე ხუთი მიწისძვრა დაფიქსირდა.