ანტივაქსერებმა თბილისის ცენტრში საპროტესტო აქცია გამართეს – ვიდეო

თბილისში გაიმართა საპროტესტო აქცია სახელწოდებით „არა კოვიდ-ტერორს“. იხილეთ „Sputnik-საქართველოს“ ვიდეო, როგორ იცავენ საკუთარ უფლებებს ვაქცინაციის მოწინააღმდეგეები.
Sputnik
თავდაპირველად მომიტინგეები მთავრობის ადმინისტრაციის შენობასთან შეიკრიბნენ, შემდეგ კი მსვლელობა გამართეს „ქართული ოცნების“ ოფისის მიმართულებით.
„ჩვენ არ ვართ ვაქცინაციის მოწინააღმდეგეები, ჩვენ ვაქცინაციის იძულებას ვეწინააღმდეგებით. ვისაც სურს, აიცრას, ვისაც არა – თავისუფალი არჩევანის საშუალება უნდა ჰქონდეს“, – განაცხადა აქციის ერთ-ერთმა მონაწილემ.
საქართველოში ვაქცინაცია ნებაყოფლობითია, მაგრამ აქციის მონაწილეები აცხადებენ, რომ საუბარია ფარულ იძულებაზე, მაგალითად, დამსაქმებლების მხრიდან.