თბილისი, 12 სექტემბერი – Sputnik. „კანონიერი ქურდი“ ნოდარ ჯინჭველაშვილი ნახეს გარდაცვლილი რუსეთის ქალაქ ვოლოგდას იზოლატორში, იუწყება საინფორმაციო სააგენტო Прайм Крайм.
63 წლის ჯინჭველაშვილს კრიმინალურ წრეებში „შოშიას“ მეტსახელით იცნობდნენ.
მედიის ინფორმაციით, ის ქუთაისური კრიმინალური კლანის წევრი იყო. შვიდჯერ ნასამართლევია სხვადასხვა დანაშაულისთვის, მათ შორის ძარცვის, ყაჩაღობის, იარაღის შენახვისა და ოთხჯერ ნარკოდანაშაულისთვის.
ბოლოჯერ ის 2019 წელს დააპატიმრეს.
კრიმინალი ავტორიტეტის გარდაცვალების მიზეზები არ სახელდება.