მომღერალი ცისანა სეფიაშვილი საზოგადოებამ როგორც კომპოზიტორ ჯემალ სეფიაშვილის შვილი, ისე გაიცნო. წლებთან ერთად ცისანა საზოგადოებამ ისე შეიყვარა, როგორც მისი მამა. ცისანა ორჯერ იყო გათხოვილი. ჰყავს ოთხი შვილი და ამბობს, რომ მისთვის ოჯახის დანგრევა იოლი არ იყო.
„ჩემს შვილებს ჰყავთ შესანიშნავი მამები, აქვთ საუკეთესო ურთიერთობა. ჩემთვის ამოსავალი წერტილი ყოველთვის სიყვარული იყო. როცა ვგრძნობ, რომ სიყვარული გაცვდა და არასაკმარისია, იქ აუცილებლად უნდა დაისვას წერტილი. ეს ბევრ ტკივილთან არის დაკავშირებული, ერთ დღეშიც არ წყდება, უამრავი ძაფი უნდა გადაიჭრას, ბევრი უძილო ღამე უნდა გამოიარო, მაგრამ უმჯობესია, დაამთავრო“, - ამბობს მომღერალი ჟურნალ „სარკესთან“.
მომღერალი ამბობს, რომ მთელი ცხოვრება ნატრობდა, ფქონოდა მყარი, სიყვარულით სავსე ოჯახი, სადაც მეუღლესთან ერთად ხელჩაჭიდებული იცხოვრებდა ბოლო ამოსუნთქვამდე.
„47 წლის ვარ და ნამდვილად მჯერა, რომ ჩემს ცხოვრებაში მოვა დიდი და განუმეორებელი სიყვარული“, - ამბობს ცისანა.