2001 წლის 11 სექტემბერს 19-მა ტერორისტმა ოთხი სამგზავრო თვითმფრინავი გაიტაცა.
ორი მათგანი მსოფლიოს სავაჭრო ცენტრის ცათამბჯენებს დაეჯახა, რის შედეგადაც ორივე შენობა დაინგრა. მესამე თვითმფრინავმა პენტაგონის შენობას შეუტია, მეოთხე ავიალაინერი კი, რომელიც ვაშინგტონისკენ მიემართებოდა, პენსილვანიის ქალაქ შენქსვილთან ახლოს ჩამოვარდა.
ტერაქტების სერიის შედეგად დაიღუპა დაახლოებით 3 000 ადამიანი. მსხვერპლთა რაოდენობის მიხედვით, ეს ტერორისტული შეტევა ისტორიაში უდიდესი აღმოჩნდა.
