ბოლო წლებში „საქართველოს ბაკის“ ფილიალების ძარცვა არცთუ იშვიათად მოვლენად იქცა. 2020 წლის 21 ოქტომბერს ბადრი ესებუამ „საქართველოს ბანკის“ ზუგდიდის ფილიალში 43 მძევალი აიყვანა. თავდამსხმელმა მოთხოვნილი თანხის მიღების შემდეგ მძევლები გაათავისუფლა და მიიმალა.
შემდეგი თავდასხმა მოხდა 2020 წლის 27 ნოემბერს თბილისში. უცნობმა ფილიალის მოლარეს მუქარით ფული გასტაცა. 2021 წლის 16 აპრილს მეტრო „ავლაბრის“ მიმდებარედ მამაკაცი „საქართველოს ბანკის“ ექსპრეს-ფილიალში შეიჭრა. მოგვიანებით ის პოლიციას ჩაბარდა, მისი იარაღი კი სასიგნალო აღმოჩნდა.