თბილისი, 31 აგვისტო — Sputnik. საქართველოში უახლოეს მომავალში ანტივირუსული მედიკამენტების, ე.წ. მონოკლონური ანტისხეულების შემოტანა იგეგმება, განაცხადა თბილისის ინფექციური საავადმყოფოს დირექტორმა თენგიზ ცერცვაძემ ჟურნალისტებთან.
მონოკლონური ანტისხეულები იმუნური სისტემის ერთ-ერთი საშუალებაა – ორგანიზმში შეუტიოს უცხო ნივთიერებებს ანტისხეულების გამოყენებით.
„ჩვენთან მალე იგეგმება ყველაზე ახალი ანტივირუსული მედიკამენტების, მომავლის თერაპიის, მონოკლონური ანტისხეულების შემოტანა, რომელიც ჯერჯერობით აშშ-სა და დიდ ბრიტანეთში გამოიყენება“, – განაცხადა ცერცვაძემ.
საქართველოს მონოკლონური ანტისხეულების გამოყენების გამოცდილება აქვს. გასულ წელს ქვეყანა ამ პრეპარატის კლინიკურ კვლევებში ჩაერთო.
ადრე ცერცვაძემ განაცხადა, რომ მონოკლონური ანტისხეულები სხვადასხვა დაავადების დროს გამოიყენება.
მონოკლონური ანტისხეულები უკვე შექმნილია და მათი მიზანი ადამიანის ორგანიზმში მოხვედრილი ვირუსის ნეიტრალიზებაა, აღნიშნა ქვეყნის მთავარმა ინფექციონისტმა.
ამ ანტისხეულების გამოცდა აშშ-ში და მსოფლიოს რამდენიმე წამყვან ქვეყანაში დაიწყო. ამერიკელი მეცნიერ–მედიკოსის, იმუნოლოგისა და ინფექციონისტის ენტონი ფაუჩის პირდაპირი რეკომენდაციით. საქართველო კლინიკური გამოცდების მონაწილე ქვეყნების სიაში მოხვდა.