თბილისი, 28 აგვისტო – Sputnik. განახლებული ინფორმაციით, ავღანეთში ამერიკელების ავიადარტყმის შედეგად ტერორისტული დაჯგუფება „ისლამური სახელმწიფოს“ (ISIS) ორი მეთაური დაიღუპა, განაცხადა აშშ-ის არმიის გენერალ-მაიორმა უილიამ ტეილორმა. ამის შესახებ წერს РИА Новости.
მან ასევე აღნიშნა, რომ კიდევ ერთი სამიზნე დაჭრილია, სამოქალაქო მოსახლეობაში არავინ არ დაშავებულა.
თავდაპირველად პენტაგონი იუწყებოდა აღმოსავლეთ ავღანეთში ნანგარხარის პროვინციაში უპილოტო საფრენი აპარატიდან განხორციელებული დარტყმის შედეგად „ისლამური სახელმწიფოს დამგეგმავის“ განადგურების შესახებ.
აშშ-ის არმიაში არ აკონკრეტებენ, უკავშირდება თუ არა ეს ავიადარტყმა ქაბულის აეროპორტთან 26 აგვისტოს მომხდარ ტერაქტს, რომლის შედეგად 13 ამერიკელი სამხედრო და 170-ზე მეტი ავღანელი დაიღუპა.