ნუმეროლოგიის მაგია – თუ გინდათ ფული მოიზიდოთ

ნუმეროლოგია – ეს არის ციფრების ცოდნა, რაც ცხოვრების მრავალ სფეროში გამოიყენება, მათ შორის – ფულის მოზიდვაში.

იმისთვის, რომ ციფრმა თქვენზე იმუშაოს, ის უნდა დაწეროთ ქაღალდზე და საფულეში ან ჩანთაში შეინახოთ. თქვენ გარდა არავინ უნდა იცოდეს, რომ მაგიური ჩანაწერი არსებობს.

რას ნიშნავს თითოეული ციფრი და როგორ გამოვიყენოთ ის, რომ ფული მოვიზიდოთ:

ეს დანაკარგისა და ხარჯვის ენერგიაა. არ ისურვოთ თანხა ერთიანით, მაგალითად, 100 ათასი ლარი, ან 1 მილიონი. ეს ნუმეროლოგიის თვალსაზრისით არცთუ იღბლიანი ციფრია. ასევე თუ რამ ნივთისთვის ფასის დადება გინდათ, არ დაადოთ 1, 10 და ა.შ. ლარი. პროდუქტი ძალიან ნელა გაიყიდება და მოგების ნაცვლად ზარალს მოიტანს.

ორიანიც ასევე არცთუ იღბლიანი ციფრია. ის სიღარიბესა და მსხვერპლს ნიშნავს. ასე რომ, არასდროს გაასესხოთ, მაგალითად, 200 ლარი – მას ან საერთოდ არ დაგიბრუნებენ, ან ძალიან დიდხანს მოგიწევთ ლოდინი. ასევე არ მოითხოვოთ ჰონორარი ციფრი 2-ით.

შესანიშნავი ციფრია. თანხა სამიანით სასარგებლოზე დაიხარჯება. მაგრამ მისი გადადება და შენახვა არც იფიქროთ, მაგალითად, 3 ათასი ლარის, მაგრამ თამამად ჩადეთ ის საქმეში.

ეს სტაბილურობის ენერგიაა. თუ თანხას მიიღებთ ციფრით 4, დარწმუნებული იყავით, რომ ის დიდხანს შეგრჩებათ. იმისთვის, რომ ფული კოსმოსური სისწრაფით არ დაგეხარჯოთ, საფულეში ჩადეთ ჩანაწერი ციფრით 4.

ხუთიანი რისკისა და სიამოვნების ციფრია. დადეთ ფსონი მასზე, დახარჯეთ ფული ხუთიანით და თქვენი განწყობა გაუმჯობესდება. თუ ფულის მიმართ მოთამაშის აზარტული დამოკიდებულება გსურთ გქონდეთ, მაშინ საფულეში ქაღალდი ჩანაწერით „5“ უნდა შეინახოთ.

ციფრი 6 მოიზიდავს ფულს, რომელიც აუცილებელია თქვენთვის. არაფერი ზედმეტი, მაგრამ არც შიმშილით მოკვდებით. თუ შემოსავლების გაზრდა გსურთ, ამ ციფრს ნუ გამოიყენებთ.

მატერიალური შემოსავლების თვალსაზრისით იღბლიანი ციფრი არ არის. შვიდიანი გვაიძულებს გამოვემშვიდობოთ დაგროვებულ თანხას, თან უკან დაბრუნების ყოველგვარი იმედის გარეშე. ასე რომ, კარგად დაფიქრდით, სანამ შვიდიანზე „ჩახვალთ ფსონს".

ეს ციფრი საოცარ შესაძლებლობებს იზიდავს. თუ ნამდვილად გსურთ უზარმაზარ თანხებს შეეჭიდოთ, შორეულ პერსპექტივებზე გათვალოთ, აირჩიეთ რვიანი და ის ყველგან შემოხაზეთ.

ცხრიანი საჩუქრებს იზიდავს. თუ გსურთ გარკვეული თანხა მიიღოთ საჩუქრად, საფულეში ჩადეთ ჩანაწერი ციფრით „9“ – ამან უნდა იმუშაოს.