თბილისი, 25 აგვისტო – Sputnik. პოლიციამ რუსთავში განზრახ მკვლელობის ბრალდებით ერთი პირი „ცხელ კვალზე“ დააკავა, ნათქვამია შინაგან საქმეთა სამინისტროს მიერ გავრცელებულ ინფორმაციაში.
გამოძიებით დგინდება, რომ 1997 წელს დაბადებულმა პირმა ქალაქ რუსთავში საყოფაცხოვრებო საკითხზე დაწყებული ურთიერთშელაპარაკების საფუძველზე საკუთარ მეზობელს მისსავე ბინაში ბლაგვი საგნის გამოყენებით თავის არეში სასიკვდილო დაზიანებები მიაყენა, რის შემდეგაც 1942 წელს დაბადებული მამაკაცი ადგილზე გარდაიცვალა.
პოლიციამ ბრალდებული დანაშაულის ჩადენიდან მალევე „ცხელ კვალზე“ დააკავა.
საქმეზე გამოძიება სისხლის სამართლის კოდექსის 108-ე მუხლით მიმდინარეობს, რაც განზრახ მკვლელობას გულისხმობს. დანაშაული 7-დან 15 წლამდე ვადით თავისუფლების აღკვეთას ითვალისწინებს.