ერთგულებით – ამ საოცარი თვისებით ყველა ვერ დაიკვეხნის, მაგრამ ზოდიაქოს ნიშნებს შორის სამი გამორჩეული ნიშანია, რომლებსაც ასტროლოგ–ექსპერტები ყველაზე ერთგულ ნიშნებად მიიჩნევენ.
კირჩხიბი: კირჩხიბებს სწამთ სიყვარულის, ამიტომ მზად არიან, მოთმინებით დაელოდონ „მათთვის განკუთვნილ“ ადამიანს და წამიერ რომანებს გაურბიან. როდესაც ეს წყლის ნიშანი ხვდება თავის მეორე ნახევარს და ოჯახს ქმნის, მისთვის ცხოვრების ეს სფერო ყველაზე მნიშვნელოვანი ხდება.
კირჩხიბებისთვის არაფერია ახლობელი ადამიანების ბედნიერებაზე მნიშვნელოვანი, ამიტომ ისინი არასდროს უღალატებენ პარტნიორს და არ ჩააყენებენ მას რთულ მდგომარეობაში.
ქალწული: ზოდიაქოს კიდევ ერთი სანიმუშო წარმომადგენელი ქალწულია, რომელიც სხვა ნიშნებს შორის ყველაზე გონივრულ ნიშნად მიიჩნევა. ისინი მშვენივრად აცნობიერებენ, რომ მათი რჩეული იდეალური არ არის, ისევე, როგორც სხვა ადამიანები.
ქალწულები მიიჩნევენ, რომ ჯობს წლების განმავლობაში ერთობლივ ცხოვრებაში გამოცდილ მეორე ნახევარს დაუჭირონ მხარი, რომელიც მათ აუცილებლობის შემთხვევაში დაეხმარება, ვიდრე ახალი პარტნიორი ეძებონ.
თხის რქა: თხის რქები ძალზე მომთხოვნი არიან როგორც საკუთარი თავის, ისე ოჯახის წევრების მიმართ. მიწის ნიშნის წარმომადგენლები ყოველთვის ასრულებენ თავიანთ მოვალეობებს ახლობლების წინაშე და ამასვე მოითხოვენ მათგან.
ხასიათის ეს თვისება თხის რქის მეორე ნახევარს ხელს აძლევს, რადგან ის არასდროს მიატოვებს თავის სიყვარულს რთულ მომენტებში და არ უღალატებს მას.