თბილისი, 10 აგვისტო – Sputnik. სამართალდამცველებმა განზრახ მკვლელობის მცდელობის ბრალდებით წარსულში ნასამართლევი 36 წლის მამაკაცი თბილისში დააკავეს, ნათქვამია შსს-ს პრეს-სამსახურის მიერ გავრცელებულ განცხადებაში.
დანაშაული 7-დან 15 წლამდე ვადით თავისუფლების აღკვეთას ითვალისწინებს.
შემთხვევა ნაძალადევის რაიონში გუშინ, გვიან ღამით მოხდა.
გამოძიების ცნობით, ბრალდებულმა კონფლიქტის ნიადაგზე 38 წლის ქალს მისსავე დროებით საცხოვრებელ ბინაში ცივი იარაღის გამოყენებით სხეულზე მრავლობითი ჭრილობები მიაყენა და შემთხვევის ადგილიდან მიიმალა. დაჭრილი ქალი კლინიკაშია გადაყვანილი, სადაც შესაბამისი მკურნალობა უტარდება.
დამნაშავე შემთხვევის ადგილიდან მიიმალა, თუმცა იგი პოლიციამ „ცხელ კვალზე“ დააკავა.
განზრახ მკვლელობის მცდელობის ფაქტზე გამოძიება საქართველოს სისხლის სამართლის კოდექსის 19-108-ე მუხლით მიმდინარეობს.