თბილისი, 7 აგვისტო — Sputnik. უცხოეთის ქვეყნებში მოგზაურობისთვის კორონავირუსზე ვაქცინაცია სავალდებულო არ უნდა გახდეს, განაცხადა ჯანმრთელობის მსოფლიო ორგანიზაციის ოფიციალურმა წარმომადგენელმა ტარიკ იაშარევიჩმა ჟენევაში გამართულ ბრიფინგზე.
მისი თქმით, ამგვარი პოზიციის საფუძველი ისაა, რომ მსოფლიოში ჯერჯერობით არ არსებობს თანაბარი წვდომა COVID-19-ის ვაქცინებზე, და საჭირო არ არის, რომ ამას „დისკრიმინაციის კიდევ ერთი პუნქტი დაემატოს“ იმ ადამიანების მიმართ, რომლებსაც ასეთი წვდომა არ გააჩნიათ.
ამასთან, ჯანმოს ოფიციალური წარმომადგენლის თქმით, ორგანიზაცია მხარს უჭერს „ვაქცინების ციფრული სერტიფიკაციის დანერგვას და მუშაობს იმ ტექნოლოგიურ გადაწყვეტილებებზე, რომლებიც ამჟამად მოქმედ სერტიფიკატებს შორის ურთიერთქმედებას უკავშირდება“.