აქციის მონაწილეები მუზეუმიდან ექსპონატების გადატანას აპროტესტებდნენ. მათი განცხადებით, ისტორიული შენობა და მასში არსებული ფასეულობები საფრთხის ქვეშაა. პროტესტის მონაწილეებმა „ცოცხალი ჯაჭვი“ შეკრეს შენობასთან და განაცხადეს, რომ მზად არიან „ფიზიკურად დაიცვან“ მუზეუმი საჭიროების შემთხვევაში.
მანამდე ცნობილი გახდა, რომ მუზეუმის შენობა სავალალო მდგომარეობაშია და გადაუდებელ რემონტს საჭიროებს. მოსამზადებელი სამუშაოები უკვე დაიწყო. რემონტის გამო შენობაში საცავები უნდა დაიცალოს და ექსპონატები დროებით სხვა ადგილზე გადავიდეს.