ავღანეთის დედაქალაქში სამშაბათს, 3 მაისს აფეთქების ხმა გაისმა, რასაც სროლაც მოჰყვა. შემთხვევა თავდაცვის მინისტრის მოვალეობების შემსრულებლის ბისმილ მოჰამადის სახლთან მოხდა.
გავრცელებული ინფორმაციის თანახმად, თვითმკვლელმა დანაღმული ავტომობილი ააფეთქა. ამის შემდეგ მოჰამადის სახლში შეიჭრნენ შეიარაღებული პირები, რომლებმაც ცეცხლი გაუხსნეს დაცვის თანამშრომლებს.
შეტევა დაახლოებით ოთხი საათის განმავლობაში გაგრძელდა. შედეგად დაიღუპა ოთხი ადამიანი, დაჭრილია 20.
ჯერჯერობით პასუხისმგებლობა არც ერთ შეიარაღებულ დაჯგუფებას არ აუღია. ამასთან, აშშ-ის სახელმწიფო დეპარტამენტში განაცხადეს, რომ ქაბულში მომხდარ აფეთქებას „თალიბების თავდასხმის ყველა ნიშანი ეტყობა“, რომლებიც ბოლო კვირების განმავლობაში გახშირდა.