თბილისი, 2 აგვისტო – Sputnik. სინოპტიკოსები საქართველოს უმეტეს ტერიტორიაზე უახლოეს დღეებში მაღალ ტემპერატურას პროგნოზირებენ.
გარემოს ეროვნული სააგენტოს ინფორმაციით, 7 აგვისტომდე მაღალი ტემპერატურის ფონზე მცირე, ხანმოკლე წვიმა ელჭექით შესაძლებელია მხოლოდ საქართველოს ცალკეულ რაიონში.
ჰაერის ტემპერატურა დასავლეთ საქართველოს დაბლობში 29-34 გრადუსი, ხოლო აღმოსავლეთ საქართველოს ბარში 31-36 გრადუსია მოსალოდნელი.
5 აგვისტოდან ჰაერის ტემპერატურა ქვეყნის მასშტაბით 2-3 გრადუსით მოიმატებს.
თბილისში უმეტესად უნალექო ამინდი იქნება. ჰაერის ტემპერატურა 35-37 გრადუსი დაფიქსირდება.