ანტონ პლესნოი - ძალოსნობა (-96 კგ)
Антон Плесной (Грузия) выступает на чемпионате Европы по тяжелой атлетике
© photo: Sputnik / Alexey Filippov
/ რიო-დე-ჟანეიროს ოლიმპიადაზე (2016) ქართველმა ძალოსნებმა ორი მესალი მოიპოვეს - ლაშა ტალახაძე ჩემპიონი გახდა, ხოლო ირაკლი თურმანიძემ ამავე წონით კატეგორიაში (+105 კგ) ბრინჯაო მოიპოვა. იმაში, რომ ლაშა ტალახაძე კვლავ კვარცხლბეკზე ავა, არავის ეჭვი არ ეპარება, ხოლო მეორე მედლის მოპოვებას საქართველოსთვის ანტონ პლესნოი შეეცდება.
როგორც ხშირად ხდება სპორტის სამყაროში, სხვადასხვა გარემოებების გამო სპორტსმენებს ნაკრების გამოცვლა უწევთ. პლესნოის უკრაინულ ნაკრებში გარკვეული პრობლემები შეექმნა და ძალოსანმა ასპარეზობა საქართველოს ნაკრებში დაიწყო. თანაც ძალიან წარმატებულად.
ევროპის ბოლო ჩემპიონატზე მოსკოვში პლესნოიმ მოიპოვა ოქროს მედალი, რომელიც 2019 წლის კონტინენტური პირველობის ბრინჯაოს დაემატა. იმავე 2019 წელს პლესნოი გახდა მესამე მსოფლიო ჩემპიონატზე, რომელიც ტაილანდში გაიმართა. ამ შედეგებით საქართველოს ამ წონით კატეგორიაში მედლის აღების დიდი შანსი აქვს.
ბაჩანა ხორავა - მძლეოსნობა (სიგრძეზე ხტომა)
28 წლის ბაჩანა ხორავასთვის ტოკიოს ოლიმპიადა მეორეა კარიერაში. რიო-დე-ჟანეიროს თამაშებზე მან აჩვენა შედეგი 7,77 მ, მაფრამ ეს ფინალში მოსახვედრად საკმარისი არ აღმოჩნდა.
ხორავას ტოკიოს ოლიმპიადაზე კვალიფიკაცია არ გაუვლია, მან თამაშებზე მონაწილეობის უფლება კვოტით მიიღო.
ხორავას საუკეთესო შედეგებია - სტადიონზე 8,02 მ და 8,25 მ დახურულ არენაზე, რაც საქართველოს ეროვნულ რეკორდს წარმოადგენს.