თბილისი, 29 ივლისი – Sputnik. საგარეჯოს რაიონში გაუჩინარებულ მწყემსს ეძებენ, იუწყება ტელეკომპანია Imedi.
გავრცელებული ინფორმაციით, ოჯახის წევრები 32 წლის ჯომართ ახმედოვს მეხუთე დღეა უშედეგოდ ეძებენ.
ახლობლების ინფორმაციით, მამაკაცი 25 ივლისს საგარეჯოს რაიონის სოფელი თულარიდან უკანა ფშავის მიმართულებით ცხვარში წავიდა და მას შემდეგ აღარავის უნახავს.
მომხდარ ფაქტზე გამოძიება სსკ–ის 143-ე მუხლით მიმდინარეობს, რაც თავისუფლების უკანონო აღკვეთას გულისხმობს.
სამძებრო ღონისძიებები აქტიურად მიმდინარეობს.