ოლიმპიური თამაშების ისტორიაში უამრავი მტკიცებულებაა იმის შესახებ, რომ მასში ნებისმიერი ასაკის სპორტსმენს შეუძლია მონაწილეობა. თუმცა, ტოკიოს ოლიმპიადა დანარჩენებისაგან გამოირჩევა იმით, რომ ამ რაოდენობის ახალგაზრდა სპორტსმენს ერთად მასში მონაწილეობა არ მიუღია.
შესაძლოა, ამის მიზეზი ისიც იყოს, რომ სკეიტბორდინგი სულ ცოტა ხნის წინ გახდა სპორტის ოლიმპიური სახეობა, ხოლო ახალგაზრდა სპორტსმენების დიდი ნაწილი სწორედ ამ დისციპლინას წარმოადგენს.
ახალგაზრდა სპორტსმენები ასევე მრავლად არიან წარმოდგენილი ჩოგბურთში, ტანვარჯიშში, ცურვასა და წყალში ხტომაში.
ოლიმპიადის ერთ-ერთ ფენომენად იქცა 12 წლის სირიელი სპორტსმენი ჰენდ ზაზა, რომელსაც ტოკიოს ოლიმპიადაზე უკვე ბევრი მიღწევა აქვს.
პირველ რიგში, ის პირველი სირიელია, რომელიც საკუთარ ქვეყანას წარმოადგენს მაგიდის ჩოგბურთში. გარდა ამისა, ის ტურნირზე კვალიფიკაციას 11 წლის ასაკში გადიოდა, როდესაც უკვე ქვეყნის ჩემპიონი გახდა. რთული პოლიტიკური სიტუაციის გამო, ის წელიწადში 2-3 ტურნირში ახერხებდა მონაწილეობას. ტოკიოში წასვლის უფლების მოსაპოვებელ ფინალურ მატჩში ჰენდ ზაზამ დაამარცხა მოწინააღდეგე, რომელიც მასზე თითქმის ოთხჯერ დიდია.
ასაკოვანი სპორტსმენები უფრო ნაკლებ დისციპლინაშ მონაწილეობენ: ცხენოსნობაში, ტყვიის სროლაში, აფროსნობასა და ტანვარჯიშში.
ამ ოლიმპიადის ყველაზე ასაკოვანი მონაწილე 66 წლის ავსტრალიელი მერი ჰანა არის. ის ოლიმპიადის ისტორიაში ყველაზე ასაკოვან სპორტსმენთა შორის მეორეა. მასზე უფრო მონაწილე 1972 წლის თამაშებში მონაწილეობდა - ცხენოსანი ცხენოსანი ლორნა ჯონსტონი ბრიტანეთიდან, რომელიც მაშინ 70 წლის იყო.