თბილისი, 22 ივლისი — Sputnik. საქართველოს ცენტრალური საარჩევნო კომისიის მონაცემებით, თვითმმართველი ორგანოების არჩევნებში მონაწილეობა 29 პარტიას სურს, მათგან 18-მა რეგისტრაცია უკვე გაიარა.
საარჩევნო კოდექსის თანახმად, თვითმმართველი ორგანოების არჩევნები ოქტომბრის პირველ შაბათს უნდა გაიმართოს. 2021 წელს ეს დღე 2 ოქტომბერია. მოსახლეობა 64 მუნიციპალიტეტის საკრებულოს დეპუტატებს და ამდენივე მერს აირჩევს.
ცესკოში უკვე დამთავრდა განაცხადების მიღება იმ პარტიებისგან, რომელთაც მანამდე არჩევნებში მონაწილეობა არ მიუღიათ და პარლამენტში საკუთარი წარმომადგენელი არ ჰყავთ. ცესკოს 14-მა პარტიამ მიმართა, ამ ეტაპზე რეგისტრაცია გაიარა სამმა.
გარდა ამისა, ცენტრალურმა საარჩევნო კომისიამ უკვე განსაზღვრა 15 პარტიის რიგითობის ნომრები, რომლებიც არჩევნების შედეგებით პარლამენტში შევიდნენ. დანარჩენი პარტიები კი რიგითობის ნომრებს წინასაარჩევნო კამპანიის ოფიციალური დაწყების შემდეგ მიიღებენ.
ცესკოს მონაცემებით, ამ დროისათვის არჩენებში მონაწილეობენ:
ეს თვითმმართველი ორგანოების არჩევნებში მონაწილე პარტიების სრული სია არ არის, იგი შუა აგვისტომდე შეივსება.