კომპანია „ვისოლის“ მეწილის ლევან ფხაკაძის უმშვენიერეს ქალიშვილს, 27 წლის ანი ფხაკაძეს საზოგადოება უკვე წლებია იცნობს. ანი სოციალურ ქსელში აქტიურია და სხვადასხვა ქვეყნიდან ზღაპრულ ფოტოებს ხშირად აქვეყნებს.
რამდენიმე დღის წინ ფხაკაძემ იტალიის კუნძულ სარდინიაზე და შემდეგ სან ტროპეში გადაღებული ფოტოები გამოაქვეყნა. ანი, როგორც ჩანს, შეყვარებულთან ერთად არის და შესანიშნავ დროს ატარებს.
უმშვენიერესი გოგონა წლის განმავლობაში დიდ დროს უცხოეთში ატარებს. ის პერიოდულად საქართველოსაც სტუმრობს. ფხაკაძე ძირითადად შეყვარებულთან ერთად მოგზაურობს და ფერადი, ლამაზი ფოტოებით ხელმომწერებსაც ანებივრებს.
ანამ მენეჯმენტი Glion Institute of Higher Education-ში შეისწავლა, ბიზნესი და მარკეტინგი — ჯორჯთაუნის უნივერსიტეტში, Bentley University-ც დაამთავრდა და ბარსელონის უნივერსიტეტიც.
ძალიან უყვარს მოგზაურობა. ანი ერთ-ერთი ყველაზე პოპულარული, მოდური გოგონაა „ინსტაგრამზე“. მას 37 ათასზე მეტი ხელმომწერი ჰყავს და მუდმივად აქვეყნებს მოგზაურობის ამსახველ და მოდურ ფოტოებს.
ლევან ფხაკაძის ქალიშვილის ცხოვრება მუდმივად საინტერესოა. რაც წამოიზარდა, პრესას დიდად აღარ სწყალობს. სხვათა შორის, ანის დედა თეა დარსაძე ასევე ცნობილია სილამაზით.