თბილისი, 20 ივლისი - Sputnik. თბილისის ცენტრში, ლაღიძის ქუჩაზე, ოპერისა და ბალეტის თეატრთან ახლოს მდებარე მიტოვებულ შენობაში ხანძარი გაჩნდა - ორმა ადამიანმა მსუბუქი დამწვრობა მიიღო.
„პირველი არხის“ მონაცემებით, ჯერჯერობით უცნობია, რამ გამოიწვია ხანძარი შენობაში, რომელშიც დიდი ხანია არავინ არ ცხოვრობს.
ადგილზე უკვე მუშაობენ მეხანძრეები. ისინი ცდილობენ ცეცხლის ლოკალიზებას, რომელიც შენობის ბოლო სართულს მოედო.
რაც შეეხება დაშავებულებს, მათ დახმარება ადგილზე გაეწია, რადგან დამწვრობა უმნიშვნელო იყო.