თბილისი, 17 ივლისი - Sputnik. იაპონიაში მიმდინარე სუპერტურნირზე ქართველმა სუმოისტმა ლევან გორგაძემ იგივე ტოჩინოშინმა გამარჯვება მოიპოვა.
ნაგოია ბაშოზე გორგაძე მე-12 მაეგაშირას წოდებით ასპარეზობს. ქართველი სუმოისტი ბაშოს მე-14 დღეს მე-17 მაეგაშირა იჩიამამოტოს დაუპირისპირდა და გამარჯვება იორიკირის ილეთით იზეიმა.
აღსანიშნავია, რომ ბაშოს მე-13 დღეს, 16 ივლისს, ტოჩინოშინმა მე-15 მეაგაშირა ცუროგიშო იორიკირის ილეთით დაამარცხა. შეხვედრა დაძაბული გამოდგა და ქართველმა სპორტსმენმა მეტოქეს დოჰიო აგრესიული მიწოლით დაატოვებინა.
მიმდინარე ტურნირზე ტოჩინოშინის ანგარიშზე ექვსი მოგება და რვა მარცხია, რაც ნიშნავს, რომ ქართველ სუმოისტს უარყოფითი ბალანსი გარანტირებული აქვს. ნაგოია ბაშოზე გორგაძის მორიგი მეტოქე ამ დროისთვის უცნობია.