თბილისი, 14 ივლისი — Sputnik. საქართველოს საგარეო სავაჭრო ბრუნვა 2021 წლის იანვარი-ივნისში, გასული წლის ანალოგიურ პერიოდთან შედარებით, 21,3%-ით გაიზარდა და 6.212,1 მლნ აშშ დოლარი შეადგინა, ნათქვამია ქვეყნის სტატისტიკის ეროვნული სამსახურის "საქსტატის" მასალებში.
საანგარიშო პერიოდში ქვეყანაში 4.324,6 მლნ დოლარის ღირებულების პროდუქციის იმპორტი განხორციელდა, რაც გასული წლის იანვარი-ივნისთან შედარებით 19,5%-ით მეტია.
2021 წლის იანვარი-ივნისში საქართველოდან 1.887,5 მლნ დოლარის პროდუქცია გავიდა, რაც გასული წლის ანალოგიურ პერიოდთან შედარებით 25,5%-ით მეტია.
საანგარიშო პერიოდში საქართველოს უარყოფითმა სავაჭრო ბალანსმა 2.437,2 მლნ დოლარი შეადგინა, რაც საგარეო სავაჭრო ბრუნვის 39,2%-ს შეადგენს.