ნოე სულაბერიძესა და სალომე ღვინიაშვილს მრავალწლიანი ურთიერთობა აკავშირებთ. ტელესახეები სამსახურს გარეთაც მეგობრობენ და ერთადაც ვარჯიშობენ. ნოე სულაბერიძის მიერ გამოქვეყნებულმა უკანასკნელმა ვიდეომ უამრავი კითხვა გააჩინა. მან სალომე და მისი ქმარი ვარჯიშის დროს დააფიქსირა, როდესაც მოდელი და ზურა კრივით არიან დაკავებული. ნოემ ცდუნებას ვერ გაუძლო და ფანები წარწერით დააინტრიგა. „ამაღამ სახლში ომია“ – დაწერა პროდიუსერმა ხუმრობით.
ნოეს მორიგი გამოკითხვა თავისუფლების ცნებას ეხება. პროდიუსერი ცდილობს სოც-ინტერაქტივის მეშვეობით დაუახლოვდეს „ფოლოვერებს“, რაც საუკეთესოდ გამოსდის, რადგან გადატვირთული გრაფიკის მიუხედავად უპასუხოდ არავის ტოვებს. „თავისუფლება რაშია?“ – ამ კითხვაზე სალომეს პასუხმა არ დააყოვნა, რომელიც უცენზურო აღმოჩნდა. ნოეს სიტყვის სტიკერით დაფარვა მოუწია.
სალომე ბევრი მამაკაცის სასურველი ქალბატონი იყო, თუმცა მისი ცხოვრება დრამატულად განვითარდა. როგორც თავად იხსენებს, ძალიან პატარა ასაკში დაოჯახდა და ძალადობის მსხვერპლიც გახდა. მოდელმა პირველი ოჯახის დანგრევის შემდეგ ფარ-ხმალი არ დაყარა, სამოდელო კარიერითა და დიზაინერობით დაინტერესდა.
მისი მეორე მეუღლე ყველასთვის ცნობილი ფეხბურთელი ზურა ხიზანიშვილია. მათ საერთო ორი ქალიშვილი ჰყავთ – ტასო და ნიტა. უფროს ნახევარძმასთან დათუნა აბულაძესთან შედარებით, გოგონები ტელეეკრანებზე ხშირად ჩნდებიან. სალომეს და ზურას კი განსაკუთრებულად თბილი ურთიერთობა აკავშირებთ.