თბილისი, 12 ივლისი - Sputnik. მუსიკალური ფესტივალი Iare Festival ქართველი დიჯეების მონაწილეობით გაიმართება ქალაქ რუსთავში 16-17 ივლისს, იუწყებიან ორგანიზატორები Facebook-ზე.
Iare Festival არის საფესტივალო ღონისძიებების სერია, რომლებიც მთელი საქართველოს მასშტაბით ჩატარდება. ფესტივალის ფარგლებში ქალაქი რუსთავი უმასპინძლებს პირველ ღონისძიებებს, სადაც ლოკალური ელექტრონული სცენის წამყვანი შემსრულებლები გამოვლენ.
ფესტივალის პირველ დღეს - 16 ივლისს, რუსთავის პარკში დაუკრავენ ისეთი არტისტები, როგორიცაა The Forest, Chikovani და Mind Static. მეორე დღეს -წარდგებიან შემსრულებლები Jorjick, Michailo, ასევე ქუთაისის პროექტი Petit Astronaute.
ფესტივალის კონცერტებზე დასწრება უფასოა.