თბილისი, 9 ივლისი – Sputnik. ფოლკლორის ცენტრის ფესტივალი „ხალხური საღამოები“ საქართველოს სხვადასხვა სოფელსა თუ ქალაქში იმართება, ნათქვამია ღონისძიების ორგანიზატორების მიერ გავრცელებულ განცხადებაში.
მუსიკალურ ფესტივალში 18 ფოლკლორული და 16 საოჯახო ანსამბლი, ასევე სამი ინდივიდუალური შემსრულებელი მონაწილეობს.
„ხალხური საღამოები“ სხვადასხვა ლოკაციებზე – სკვერებში, ტაძრებისა და ეთნოგრაფიული სახლ-მუზეუმების ეზოებში, სხვადასხვა ქალაქებისა და სოფლების სტადიონებზე ტარდება.
ფოლკლორის ცენტრის ინიციატივითა და საქართველოს კულტურის, სპორტისა და ახალგაზრდობის სამინისტროს მხარდაჭერით საზაფხულო კონცერტები აგვისტოს ბოლომდე გაგრძელდება.