თბილისი, 7 ივლისი − Sputnik. ირანის პროვინცია ილამის ქალაქ დეჰლორანის მახლობლად გამავალ ნავთობსადენზე აფეთქება მოხდა, იუწყება გამოცემა Mehr News.
გავრცელებული ინფორმაციით, დაიღუპა სამი და დაშავდა ოთხი ადამიანი. ყველა მათგანი ადგილობრივი პერსონალი იყო, რომლებიც აფეთქების მომენტში ნავთობსადენზე ინსპექტირებას ატარებდნენ.
ქვეყნის ხელისუფლებამ ეროვნულ ნავთობკომპანიას მოუწოდა, დაუყოვნებლივ დაიწყოს ინციდენტის გამოძიება და ასევე დაეხმაროს დაშავებულ მუშებსა და დაღუპულთა ოჯახებს „ტანჯვის შემსუბუქებაში“.
ორი დღით ადრე აფეთქება მოხდა კასპიის ზღვაში მდებარე ერთ-ერთი ნავთობპლატფორმის რაიონში, რომლის ამსახველი ვიდეოკადრები თვითმხილველებმა სოციალური ქსელებით გაავრცელეს. აზერბაიჯანში განაცხადეს, რომ არც ნავთობპლატფორმებზე და არც ხომალდებზე აფეთქება არ მომხდარა. სავარაუდოდ, ეს ზღვაში ე.წ. ტალახის ვულკანის ამოფრქვევა უნდა ყოფილიყო.