„2012 წლიდან ჩვენ არაერთი პროექტი განვახორციელეთ წარმატებით, მათ შორისაა საყოველთაო ჯანდაცვის რეფორმა, C ჰეპატიტის ელიმინაციის პროგრამა და სხვ. ჩვენი ხელისუფლებაში მოსვლის პერიოდში ერთ-ერთი მთავარი გამოწვევა სწორედ ჯანდაცვაზე ხელმისაწვდომობა იყო, დღეს კი არის ხარისხიან ჯანდაცვაზე ხელმისაწვდომობის პრობლემა. სწორედ ამ საკითხის მოგვარებაზე მუშაობს ამ ეტაპზე ჯანდაცვის სამინისტრო", – განაცხადა ღარიბაშვილმა.
საქართველოს პრემიერ-მინისტრი საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს ათწლიანი გეგმის „ხელმისაწვდომი და ხარისხიანი ჯანდაცვა, სოციალური კეთილდღეობა და ღირსეული შრომითი გარემო 2030“ პრეზენტაციაზე სიტყვით გამოვიდა.