თბილისი, 4 ივლისი – Sputnik. სულ მცირე ოთხი ადამიანი დაიღუპა ტყის ხანძრის შედეგად, რომელიც კვიპროსის რესპუბლიკის ისტორიაში ყველაზე ძლიერი აღმოჩნდა.
კრიტიკული სიტუაციის გამო ხელისუფლებამ უცხოეთის დახმარება ითხოვა. ამის შესახებ ქვეყნის სოფლის მეურნეობის სამინისტროს სატყეო მეურნეობის დეპარტამენტი იუწყება.
ხანძარი შაბათს არაკაპასის თემში გაჩნდა და გავრცელდა მეზობელ თემებში - ეფტაგონიაში, აკაპნოსში, ორასში, მელინიში, სიკოპეტრასში.
„სიტუაცია უმჯობესდება, მაგრამ მაინც ძალზე რთულია. სიტუაციის კრიტიკულობიდან გამომდინარე ამოქმედდა საგანგებო ეროვნული გეგმა „გეფესტი“ და ვითხოვეთ უცხოეთიდან თვითმფრინავებით დახმარება“, - ნათქვამია განცხადებაში.
ხანძრის ქრობის სამუშაოებში მონაწილეობას იღებს 70-ზე მეტი სახანძრო მანქანა, 10 ცისტერნა.
„გამთენიისას ხანძრის ქრობის პროცესში 11 საავიაციო საშუალება ჩაერთო“, - ნათქვამია განცხადებაში.
ამ დროისთვის ხანძარი გავრცელებულია დაახლოებით 50 კვადრატულ კილომეტრზე, არსებობს ხუთი აქტიური ცეცხლის კერა, იუწყება РИА Новости. ხანძრის გამო რვა თემი ევაკუირებულია, იუწყება კვიპროსის ახალი ამბების სააგენტო.