თბილისი, 3 ივლისი - Sputnik. პენიტენციურ სისტემაში მყოფმა უვადო მსჯავრდებულებმა საქართველოს კათოლიკოს-პატრიარქისგან საჩუქრები მიიღეს, ინფორმაციას სპეციალური პენიტენციური სამსახური ავრცელებს.
უწყების ცნობით, პატრიარქმა პატიმრებს სხვადასხვა სახის ტკბილეული, წიგნები და სანთლები გაუგზავნა. მსჯავრდებულებს საჩუქრები საპატრიარქოს წარმომადგენლებმა გადასცეს.
„სპეციალური პენიტენციური სამსახური მადლობას უხდის კათოლიკოს-პატრიარქს ილია მეორეს და საქართველოს საპატრიარქოს უვადო პატიმრებზე ზრუნვისა და თანადგომისთვის“, - ნათქვამია სპეციალური პენიტენციური სამსახურის განცხადებაში.