რას გეგმავს მერია თბილისში წყალდიდობების პრევენციის მიზნით
© Sputnik
„პროექტის ფარგლებში დაგეგმილია დედაქალაქში შერჩეული ტერიტორიების შესწავლა, ანალიზი და ინოვაციური ტექნოლოგიების დანერგვა სანიაღვრე-სადრენაჟო ქსელის გამართული ექსპლუატაციისთვის. ტექნიკური სამუშაოები ითვალისწინებს ისეთი კომპონენტების შესწავლას, როგორებიცაა მეტეოროლოგია, ჰიდროლოგია და წყლის ხარისხი. შემდგომში კი მტკვრის დაბინძურების პრევენციის მიზნით მდინარეზე გამწმენდი ნაგებობა მოეწყობა”, – აღნიშნა კახა კალაძემ.
პროექტი საფრანგეთის ეკონომიკის სამინისტროს მიერ საფრანგეთის საგრანტო პროგრამით ფინანსდება და ის ფრანგულ საინჟინრო-საკონსულტაციო კომპანიასთან (Suez Consulting) შეთანხმების მემორანდუმის ფარგლებში განხორციელდება.